HARRERA | LES AMIS DU MUSÉE BASQUE | Euskal museoaren adiskideak

Euskal museoaren adiskideak

Euskal Museoaren aldizkaria

Euskal Museoaren aldizkaria eta Euskal Museoa urte berean sortu ziren, 1924an. 1944an argitaratzetik gelditu zen eta 1964an berriz hasi, museoko kontserbatzailea Jean Haritschelhar jaunak sustaturik. Honek Euskal Museoaren adiskideen elkartearen esku utzi zuen.
Euskal Museoaren aldizkaria ikerketa eta kultura hedapeneko tresna garrantzitsua da eta eskualdeaz ari diren liburuetako bibliografietan usu aipatua da.

Euskal Museoaren aldizkaria kontsultatu:
Bibliografia alorreko bilaketa baten egiteko edo linean kontsultatzeko, Museoaren adiskideen elkartearen webgunean aurkituko dituzu:

• giltza hitzak (tituluak, egileak, laburpenak) erabiliz datu basean bilatzea ahalbidetzen duen bilaketa tresna bat
• argitaratuak izan ez diren artikulu batzuk, kitorik deskargatzeko gisan

Euskal Museoaren aldizkaria Euskal museoaren adiskideen elkarteko kideei zabaltzen zaie eta beste argitalpen anitzekin trukatzen da, museoko dokumentazioa horrela aberastuz. Euskal Museoaren aldizkariaren bilduma osoa museoko liburutegian kontsultatzen ahal da.

Euskal Museoaren aldizkaria museoko saltegian salgai da.

Euskal Museoaren adiskideen elkarteak 450 kide baditu, nonbait han. "Euskal Museoaren animazioan, hedapenean, eta bildumen aberastean laguntzea du xede" (Estatutuetako 1. artikulua). "Euskal ondareaz eta eskualdeko kulturaren alderdi desberdinez interesatu pertsonak oro biltzen ditu. Gai horiei buruzko ikerketak laguntzen ditu. Bizi kulturalean aktiboki parte hartzen du, bereziki Euskal Museoaren aldizkaria eta beste argitalpen batzuk argitaratuz" (Estatutuetako 2. artikulua).
Museoan burutu animazioen burutzeaz eta objektuen emateaz gain, elkarteak Euskal Museoaren aldizkaria argitaratzen du. Badu 80 urte aldizkari hau argitaratzen dela, Euskal museoaren adiskideen elkarteko kideei zabaltzen, bai eta beste argitalpen anitzekin trukatzen, museoko dokumentazioa horrela aberastuz.
Euskal museoaren adiskideen elkarteak, bestalde, elkarretaratzeak eta lekuan lekuko bisitak antolatzen ditu, museoko bildumak ikuspegi historiko eta etnologiko batean ezartzera entseatuz.
Elkarteak bere Biltzar Nagusia Ipar eta Hego Euskal Herriko "xoko guzietan" egiten du, museoa gehiago "zabaltzeko" xedez.

Euskal museoaren adiskideen elkartearen webgunea

Banatu